Gjysëmhënë

Sot hëna paksa dalë përgjysëm
As andej as këndej kjo hënë
Unë shëtis në rrugë gjysëm ndriçuar
Dhe s’di s’flas ashtu nëpër dhëmbë.

Përgjysëm paksa dalë hëna
Gjysëm fytyre i shoh sot
Më kot rrebelohem për të tërën
Në punët e qiellit nuk hyj dot.

Kalcium

Seç u kujtova sot
Nje shkumës në dorë duke marrë
Kalciumi del dhe nga dekompozimi i kockave
Të atyre që janë akoma gjallë

Me kalciumin e kockave të mia
Kam për të shkruar
Gjithe ç’kam parë, gjithe ç’kam dëgjuar

Nuk i kuptoj

Njerëzit
lodhen
nga lindja deri në vdekje
Për të mbartur jetën..

Asnjëhë
s’i kam kuptur
Çfarosësit e njerëzve..

Vite të murosura

Unë vet,

kam murosur

shumë vite

Dhe ti,

mos thuaj

që s’ ke bërë si unë

Tani

u bë vonë

për tu kujtuar

Ç’ na hynin murosjet në punë..

Pritja e detit

Mijëra vet kane ardhur sot
Dhe plazhi zhurmon gjithandej
Deti hap sytë andej këndej
Seç po mundohet qe të gjej

Pastaj përpas dalgët, uturinë
Dhe me vete grindet ashtu kot
Kish pritur gjatë por tani
As nuk qesh as nuk qan dot..

Gjithçka tranzit

Tani në plazh s’ mbeti më zhurmë
Të gjithë ikën, shkuan, kush e di
Dhe dielli më herët perëndoi
Gjithandej heshtje, sikur është zi.

E di o det që tash më rri vetmuar
Sytë e trishtur që nga larg ti njoh.
Po është tranzit ..dhe stinët do Ndërrohen
Se bota rrotullohet domosdo..

Akorde zemrash

Në kufirin e fundit të pamundësisë
Në kohën absurde të pritjes
Ti u shfaqe me te gjitha hiret
Në natën kreshente të dhimjes

As fjalet, as zerat s’na dëgjohen
Të ngrira janë dhe gjymtyrët
Veç rrahjet e zemrave mbi gjokse
Akordet i kanë …

te përkryera ..